Take a fresh look at your lifestyle.

अविश्वसनीय! रातोरात करोडपती झाला मुंबईचा मच्छीमार, कारण ऐकून विश्वास बसणार नाही

मुंबई. देव जेव्हाही देतो तेंव्हा घेणाऱ्याची झोळी फाटेल इतके देतो. ही म्हण मुंबईच्या एका मच्छिमारावर पूर्णपणे लागू होते . महाराष्ट्रातील मान्सून  दरम्यान वादळांच्या धोक्यामुळे घरीच बसलेल्या चंद्रकांतला जेव्हा पुन्हा मासे पकडण्याची संधी मिळाली, तेव्हा त्याने असे जाळे फेकले की त्याची लॉटरीच लागली. त्याने फेकलेल्या  जाळ्यात एक -दोन नाही तर तब्बल 157 घोळ  मासे अडकले , ज्याने चंद्रकांतला एका रात्रीत करोडपती बनवले.

तब्बल १५७ घोळ  मासे सापडले 

मान्सून दरम्यान चक्रीवादळांचा धोका लक्षात घेऊन सरकारने मच्छीमारांना समुद्रात जाण्यावर बंदी घातली होती. बंदी उठल्यानंतर 28 ऑगस्टच्या रात्री चंद्रकांत तरे आपल्या 8 साथीदारांसह मासेमारीसाठी समुद्रात गेले. त्या वेळी एक किंवा दोन नव्हे तर तब्ब्ल 157 घोळ मासे चंद्रकांतने फेकलेल्या जाळ्यात अडकले.

तब्बल १.३३ कोटी रुपयांना विकले १५७ मासे 

हे घोळ मासे चंद्रकांत तरे यांनी 1.33 कोटींना विकले, म्हणजेच एका मासा सुमारे 85 हजार रुपये किंमतीला विकल्या गेला . हे संपूर्ण मासे  यूपी-बिहारमधील एका व्यापाऱ्याने खरेदी केले.  पालघरमधील मुरबे येथे त्या मास्यांचा लिलाव झाला, हे सर्व मासे 1.33 कोटी रुपयांना विकले गेले.

या कारणामुळे घोळ मासे महाग असतात 

घोळ माशाला सोन्याचा मासा असेही म्हणतात, कारण या माश्याचे मूल्य सोन्यापेक्षा कमी नाही. घोळ माश्याला अनेक प्रकारच्या औषधे बनवण्यासाठी वापरण्यात येत त्यामुळे या माश्याचे मूल्य फार जास्त आहे. घोळ माशांपासून बनलेल्या औषधांद्वारे अनेक आजारांवर उपचार केले जातात. तसेच, हे मासे सौंदर्य प्रसाधने तयार करण्यासाठी देखील वापरण्यात येतात.

या देशात आहे जास्त मागणी 

हाँगकाँग, मलेशिया, थायलंड, इंडोनेशिया आणि जपानसारख्या देशांमध्ये त्याची मागणी खूप जास्त आहे. तसेच माशाच्या प्रत्येक भागाचे स्वतःचे मोठे मूल्य आहे.

Comments are closed.